كل يوم بنموت يا بلدى
وانتى بصة فى حتة تانية
يتنبح صوتى عليكى
تبعدى وتقولى جاية
رايحة فين يا مصر قولى
دم ابنك فى الشوارع
جثته وردة ف جنينة
لسه خارجة م الجوامع
اصرخى مرة يا بلدى
رجعى حق الولاد
كل يوم بيموت شهيد
وانتى شغالة ف عناد
لسه ساكتة ليه قوليلى
ليه ايديكى مكتفين
اتقتل ابنك قصادك
وانتى ساكتة من سنين
عايزة ايه يجرالنا تانى
ده الدموع فى القلب نار
دمنا أصبح رخيص
والسكوت ده ذل عار
يللا قومى يا مصر تانى
وارجعى بلدى العظيمة
كسرى كل القيود
واصرخى فى عيون لئيمة
طفى نارى لو دقيقة
ريحينى م العذاب
يا تجبيلى حق أخويا
يا تدفنينى فى التراب
أرشيفية
مشاركة
اضف تعليقاً واقرأ تعليقات القراء
مشاركة
