فيسبوك
واتساب
اتبسّم لو حتى دقيقة--------واضحك خلّى الهم يطير
وارسم على وشِك لو فرحة----وكأنّك طفل بطراطير
وارقص حتى ولو بخيالك------حالاً هتحسّ بتغيير
تلقاك فايق رايق حالك--—--- وعيونك تلمع بالخير
وتلاقى الدقات بتقولك-------إسعد وافرح عيشها بخير
إياك تحضن حقد بقلبك-------أو تبقى حياتك تكشير
أو تخنق بالزور أحلامك------وبرغم جميع المحاذير
وبرغم العالم بجوارك--------بسعادة بيرسم تباشير
لو هتغمّق لون أحزانك-------هتلاقى حياتك أعاصير
إرمى همومك واعلم انّك-------زى الناس لك رب قدير
صورة أرشيفية
