ومخدتش حاجة من الدنيا
غير حلم ضرير !!
حبة مسامير !!
بتخرّم عجلة طموحاتك
طب كام واحد زى حالاتك
صدقنى يا ناكر خير ذاتك
راح بكره تلف
وشريط عمرك من الظلم يسف
والجرح إتلوث مش هيخف
راح تعبد أخطاء بغزاره
غرقان ونجاته ف صناره
خطافها ثلاثى .. ودى إشاره !!
علشان يرجع عقلك جواك
أحاسيس غيرك .. قفل الشباك
مش راح ينفع يوم ف علاجك
طب قولى فى كام إحساس ساقك ؟!
طب فاكر لحظة موت والدك ؟
فيه حد ساعتها وقف جمبك ؟!
طب قولى فى كام صاحب ساعدك ؟!
وأهوبات مدفون
بكيتلواْ عيون
وأدى يوم ورا يوم
وحدك خايف
تدعى ف صلوات وتقول آسف
ويزيد فى دعاك .. كام واحد مات ؟!
منتاش عارف
طب فتّح عينك .. مش شايف ؟!
طب أقولك نفض للتراهات
أوأقولك وبكل صراحه
إنك لامؤاخذه م الأموات !!
صورة أرشيفية
مشاركة
اضف تعليقاً واقرأ تعليقات القراء
مشاركة
