فيسبوك
واتساب
الطيبة مش بالشكل
شرير بأجمل وش
الصحة مش بالأكل
امرض بسبب الكرش
بنى آدم بنى قصور
وعدى بيها بحور
طار بيها كالعصفور
وآخره ضعيف وهش
فى الدنيا بنتخدع
براها غير جواها
فى حياتنا بنتوجع
غنوتنا هيا إلاهااا
متقولش أنك فاهم
كام مرة ليها بكيت
بلاش تدافع عنها
أنا فوقت ليها صحيت
ليه لما يشتد فرحك
تلقى عينك تدمع
ليه لما يشتد جرحك
ينكتم صوتك ما يطلع
جرب تسرح وتفرح
وانسى حالك كام يوم
هتلاقى جرح بيدبح
وكترت عليك الهموم
ليه لما الفجر يطلع
بيجى بعده الظلام
ليه لما تاكل وتشبع
تتعب لوبعده تنام
مليت منك يا الدنيا
قولت أنام وأرتاح
صحيت على حاجة تانيا
لقيت العمر راح
حربى
صورة أرشيفية
