فيسبوك
واتساب
هتعمل إيه لو لحظة شفت الموت
وبقيت قريب من خالق الملكوت
تحصى ذنوبك والتقيتها كتير
والعمر ولّى وأنت سايبه يفوت
مليون سؤال بيفزّ جوّه عينيك
بيلوم وأنت برضه هُس سكوت
ليلك بيجرى والنهار أكاذيب
والراية ضلمة والفزع نبّوت
الموت شعارك والقرين الديب
تحصى اليتامى والوتر منحوت
الكون بيبنى وأنت نازل هد
ما أتعس اللى يغلبه السحتوت
وعلى ضلوعك نفسها بتشتدّ
تحلم يكون الهدم بالريموت
هتعمل إيه لو جاك حساب العدل
ياللى هويت الظلم والجبروت
صورة أرشيفية
