فيسبوك
واتساب
بحِبك حب إعدادى
ساعة أكون موزون
وساعة مش عادى
أعشق ساعات بجنون
وأعشق ساعات عالهادى
أنسى معاكى الكون
لما تكونى قصادى
بحبك حب إعدادى
أحط إيديا فوق كتفك
واتمنظر واتعايق
ولو حد قال اسمك
أتنرفز واتخانق
وانزل اكيد عالفاضى
بحبك حب إعدادى
أسمع غنا فيروز
واقرا كلام قبانى
أنطق اسمك يجوز
يرن الصدى فودانى
أرجع من تانى أنادى
بحبك حب إعدادى
أعمل مقموس شويه
واطنش لو ناديتى
وان غبتى عن عنيا
أخاف ليكون مشيتى
أجرى أصالح وادادى
بحبك حب إعدادى
صورة أرشيفية
