فيسبوك
واتساب
تقتل وتتوضأ
وتصلى وتكبر
ياعم انت كده
حيرتنى أكتر
هو انت بتاع ربنا
واللا انت متأجر؟!!
تقول دفاع .. ع الدين
مش دنيا ولا كرسى
وتحاصر الميادين
عشان خاطر مرسى
أشك عندك عقل
أو حتى بتفكر!!
ياعم قفطانك
أبيض ومنوّر
لكنى أفكارك
ولا جن مصوّر
تزرع الأسافين
تقتل العايشين
وكله باسم الدين
متساق ومتخدّر
عمال تقول ع القدس
من سنين رايحين
واما حكمتم سنة
ماشفناكوش ماشين
قعدتوا على قلبنا
رشقتوا فى الدواوين
ياعم نفسى بجد
أدخل دماغ أهلك
وألاقى عندك رد
أيه سبب جهلك
عندى وعند الغير
دينا هو الخير
رحمة لنبات ولطير
قبل البنى آدمين
وانت فِكرك هم
قتل وسفك دم
عقلك خلاص إتسم
ظبطه ع التنشين
وياريت تنشن صح
نشانك الخيبان
خلاك طريد وجبان
تعادى جيش بلدك
وتصاحب الخوّان
ولو حد يوم ناقشك
فى منهج الإخوان
تُفرك كده وتنطح
وتهّد وتكسّر
صورة ارشيفية
