فاكر.. لما خدتنى بعيد عن كل العيون
وقولتلى.. حضنى هايبقى بيتك وقلبى بيكى مجنون
دوبت انا وقولتلك انت نبض القلب اوعى فى يوم تخون
أنا قلبى فى هواك اسير وإياك على قلبك اهون
فاكر
فاكر.. لما السما ونجومهاعلى حبنا كانوا شهدين
قولتلك.. انهارده اتولد حبنا وشموعه هايفضلوا منورين
قولتلى.. وانا على عهد هواكى باقى مهما تمر السنين
ها نعلم الناس تحب ويبقوا زينا عاشقين
فاكر
فاكر.. لما بطعنة غدر سبتنى أنزف ألم ومشيت
هانت عليك روحى وعشان غيرى خنت عهدك ونسيت
أنا كنت مخدوعة فيك بس على جرحك كبرت وعليت
وحياتى موقفتش عليك ولا فى بعدك انتهيت
فاكر
فاكر.. كم مرة خنت والغرور كان مليك
باسم الحب كنت بسامح وانت الغدر كان طبع فيك
هات ورقة وقلم واحسب الظلم اللى شفته على ايديك
هتلاقينى كنت كتير.. كتير.. عليك
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة