فيسبوك
واتساب
وقفت الحياه فجأه بيا
شعرى إبيض وبقى عمرى ميه
ورغم كل اللى حواليه
فضيت الدنيا عليا
صرخت بعزم ما فيا
صرخه خلت الكون سكات
أبويا مات
بدموع زى المطر حجبت الشوف
وإحساس فظيع جوايا بالخوف
ونار جهنم والعه ف الجوف
وقفت ف غسله
مين تانى هيدينى حبه
ياريتنى مت قبله
هتسند على مين ف الدنيا بعده
ومين هلجأله ف الأزمات
أبويا مات
مشيت ف الجنازه ودموعى نهر ما يتعبر
وبعزم ما فيا بصرخ وقلبى بيتعصر
خلاص النهارده ضهرى إنكسر
طب أنزل معاه القبر
يارب إلهمنى الصبر
وإجمعنى ف الجنات
ب أبويا اللى مات
صورة أرشيفية
