صبرى إسماعيل يكتب: لو كُنت ابنها

لو كُنت يا صاحبى __________صحيح بتحبّها
مرسوم على قلبك خريطة شعبها-----وأنتِ ابنها
لو مرة سالت دمعِتك---------أو هزّ قلبك حُزنها
لو كنت عايش بالأمل ------إنّك يضمَك حُضنها
وبيجرى نهر النيل فى دمّك----معدنك من قمحها
إيدك بتزرع باليمين----------والتانية تِدفع عنّها
لو كُنت ياصاحبى , صحيح بتحبّها
يلاّ نِعمّر أرضها-- نزرع غيطانها بالأمل ونلمّها
نبنى المصانع للعريش------وسينا تطلع شمسها
والأهرامات تِطلع ل فوق---تبقى المنارة وضِلّها
خلّى النهار يحيى الصدور--ماهو كُلّنا يبقى ابنها
ماتحرق المبنى البرئ—-ولا يوم ب شرّ تِمسّها
أو تِبقى مرة حِكمتك--------دانة تدمّر صدرها
مهما تدوّر أو تدور---أبداً ماتِلقى زيّها
أبداً ماتِلقى زيها