فيسبوك
واتساب
متسألنيش مين أنا.. متسألنيش أنا مين
دا الحب عندى إيمان وعقيدة ودين
لو مت أنا فى حبك.. حبك ليوم الدين
يا أغلى من حياتى اختارتك ما بين ملايين
يسكن هواك جوه قلبى ويعيش طول السنين
ابقى اسأل على قلبى متسبش قلبى حزين
ولا أنت هتخبى. . وتهرب من قلبى فين
ويهون عليك حبى وتسيبنى لدمع العين
وتأسى على قلبى وأنت أغلى العاشقين
وتقول فى يوم ضاع حبنا إحنا الاتنين
وأنا عمرى ليك واحلف ع الحب يمين
إن حبك سكن روحى ومسطر ع الجبين
وإن غبت يوم عنى بعدك لهفة وحنين
مش قد الشوق لأن بعدك دموع وأنين
أنا منك وأنت منى والصبر أجيبه منين
وإن لقينا الصبر عاشقين لكن مساكين
الله يهون علينا قسوة اللايمين
أحمد مرسى
