فيسبوك
واتساب
سؤال بسأله لنفسى من زمان ومن سنين
بعيد قريب أو كنت فين
لسه بسأل
حبيبتى هى مين؟
وفى لحظة التفكير سمعت كلام كتير مفيهوش إجابة واضحة
بس جواه أكيد إجابة
هى قصة مش محتاجة
حبيبتى
هى اللى تكون جنبى وقت مايقولوا الناس سيبوه لوحده
هى اللى تسمع
تفهم
تعرف
أنا عايز إيه قبل حتى ما أقوله
تسهر على راحتى ساعة واتنين
أو حتى الليل بطوله
وأنا كمان
هكون ليها زى خدام
بس مش خدمة ذل وعبودية
دى خدمة بكون عاملها وقلبى عايزها وراضياها عينى
مش صاحبتى ولا قريبتى ولا مجرد حاجه بينها وبينى
دى حبيبتى
فاهمين يعنى إيه حبيبتى
يعنى اللى بجد هكون مطمئن فى كل وقت وأنا معاها
تضرب تقلب
تخبط تعدل
ناسى الدنيا وعينى بس شايفاها
تفتكروا إيه أجمل من كده؟
استنى ليه لو فعلا فيه كده؟
وبتمنى وليل ونهار بدعى لربى
أعيش حياة بالشكل ده
ورقة وقلم
