سِلـّك شايك جوه منى مَرّمى ف القلب بغزاره
ساعة بيداعب ضميرى ساعة يجّلدنى بشطاره
ساعة بينوٌر حَوارى ضَلمة فيّا
ساعة بيخبى حقايق عِشت جواها بقذارة
سِلـّك بيحاول ثوانى يقلب الباطل حقيقة
سِلـّك بيِّن ليّا فجأة كل أفعالى بريئة
هو عارف نُقطة الضعف اللى فيّا
رغم طول الوقت غافر ليّا أفعال الخطيئة
لسه بيعيشنى دايمًا وسط حالة انفصام
ثانية ألاقى فيها نـَفسى ساعة بيتوه الكلام
كل شبر ف قلبى غرقان جوه حيرة
عشت تايه طول حياتى بين حلال أوبين حرام
ليه ما فاتشى ليّا فرصة فيها أثبت صِدقى ليـِه
مرة يقرآنى بسهولة.. مرة يغّصِب فِكرى ليه؟
عقلى رافض جوه منى كام إجابة
قلبى بيدوٌر بقوٌة علـّى فيّا مش لاقية
سِلـّك بيعافر ويبنى جوه منى سد عالى
لجل ما يغيّر ف صورتى جوه بالى
ف المقابل يكشف المستور ويرحل
ف النهاية فيه صراع جوايا وملازم خيالى
صورة أرشيفية
مشاركة
اضف تعليقاً واقرأ تعليقات القراء
مشاركة
