فيسبوك
واتساب
يا مصر مالك كدا
عجزتى قبل الأوان
وعيونك المبهجة
مكسورة مـ الأحزان
عمرى ما شفتك
ساكنة ومسلمة
جايز عشان الظلم
وصل حدود السما
كنتى زمان
لما تحزنى تقولى
لو زاد عليكى الظلم
كنتى بتثورى
لكن النهاردة
عـ الظلم ساكتة
ردى وقوليلى
ليه الهوان ده
فوقى بقه
الحلم قرب يموت
مد إديكى لشعبك
وخرجيه مـ التابوت
محبوس بقاله سنين
مخنوق وجواه كلام
قومى إلحقيه.. قوميه
ليرضى بالانهزام
صورة أرشيفية
