م. مجدى عزيز يكتب: غاب القمر

غاب القمر لا ضوء ولا أثر
كان عندنا ومنور حيّنا
وفاتنا وعبر لا حس ولا خبر
غاب ودمعته كانت سابقة خطوته
وغابت ضحكته ولعب بينا القدر

اختفى من ليالينا
مابقاش يحلى السهر
من غير طلعته اللى زى القمر

قمر، وعارف غلاوته عندنا
وأد إيه ودنا ولو طال السفر

البدر فى تمامه والرقة فى سلامة
والسحر فى كلامه ولا كل البشر

طلته عجب
ونوره أقوى م اللهب
غاب واحتجب
وسال دمعنا لغيابه عننا
من غير سبب
غير إنه ف قربنا
حاسس بالخطر

وحشنا نوره، يا ريتنا نزوره
من ورا ضباب أو فوق السحاب
ونفرح لو ظهر

ظلام ليلة مين ينوره
وعلى ويله مين يصبره
مين بالسعاده يبشره
ويرجّع لليالينا السمر