فيسبوك
واتساب
عارف إنك أكتر حاجه بتفرحنى
وتصبرنى على الأيام
وتحسسنى إن أنا إنسان
لما بتستنانى عـ الباب وبتحضنى
بنسى معاك كل همومى
لما أحكيلك عـ اللى واجعنى
وتأكد لى إن إنت فاهمنى
تضحك ويايا وتهزر
وكل اللى بيحصلى فـ يومى
وتقولى يا بابا ولاتزعل
هفتح حصلتى وأديلك
وبعد شويه تقولى هفكر
أصل فلوسى عزيزه عليا
وأنا كدا كدا فى نظركم عيل
وإنت عارفنى بحب أهرتل
واللى فـ إيدى دايما مش ليا
على مكتبى لما بلاقيك
بتقلدنى وماسك قلمى
بــ فرح قوى ياحبيبى بيك
وأجرى عليك
وإنت بكل غلاسه تقولى
لما تدخل تانى تخبط
كدا خضتـــنى
أرشيفية
