فيسبوك
واتساب
الحب ليكى يا مصر
يا حلوة يا بلادى
يا فجر لينا وشمس
ع الوادى بتنادى
الجرح كان جامد
والدمع بان شارد
على خدك النادى
يا صابرة طول عمرك
يا حلوة مين أدك
أنا اسمى من اسمك
ورسمى من رسمك
وحلمى مش عادى
هنعدى م المحنة
وهتفضل ملامحنا
إحنا الكُبار إحنا
وسمارنا م الوادى
يا أم العيون السود
والقلب لأبيض
يا أم الكرم والجود
بالموجود والله يعوض
يا أم الصباح الشادى
يا حلوة يا بلادى
يا زادى وزوادى
يا ضحكة المولود
فى وشك الهادى
يا حلوة يا بلادى
علم مصر – أرشيفية
