متغربين فيكِ يا دنيا
عايشين ومش عايشين
حاسين إننا فى دنيا تانية
وخدانا ف طريق مسدود
وخدانا طب على فين
والوجع ماشى ف خطاوينا
عاشقين ومش حاسين
يمكن نلاقى حنين جوانا
ساكن صدى صوتنا
وسكوتنا محاصرنا
نرفض حدود الأه
وغربتنا وخدانا
محوطانا
إحساسنا بيعافر
وجروحنا خنقانا
وضى الليل اخنفى نوره
والعتمة جوانا
وعيون الأمل ماتت
منا ف عز الليل
وليل مجروح فينا بينادى
فين ألاقى حبيب
ودمعتنا سكنانا
دمع السكوت جارح
وقلوبنا بتعانى
قلوب م الحب بتدوب
بتدوب من الغربة
إحساسنا ليه ضايع
جوه وطن مهجور
والنبض فى وريدى
عايش لكن مكسور
والدمع مل الخوف
من غربة الأيام
بعافر مع نفسى
لحظة غروب وخدانى
بهرب من يأسى
يمكن أعود تانى
أصالح الدنيا اللى معاندانى
يا غربة ضمينى
نفسى ألاقى جواب
والجرح بيعانى
ليه يا دنيا معندانى
سفر صوره أرشيفية
مشاركة
اضف تعليقاً واقرأ تعليقات القراء
مشاركة
