بموت فيكي ففستان أبيض
وفي الأسود مالكيش حل
أغير عليكي في لون أحمر
وأغضب وأكون طفل
ولو لابسة فوق الركبة
وِشي يجيب ميت لون
ولو زاد الروج حبة
اتشال واتحط كما المجنون
ده أنا عاشق علي فكرة
وحبك فيا قد الكون
ولو يوم تلبسي ضيق
أقولك البسي غيرها
ولو الجيبة يوم واسعة
أخاف النسمة تطيرها
ولو شعرها سايب
أقول طب فين ضفايرها
ولو ليلة القمر غايب
أقول ليكون مواعدها
ولو شفت القمر طالع
أخاف ليكون مسهرها
عارف أني محيرها
وعارف أني ممل
أأمُر وأنهي وأعِل
وحبي سجن بيأيد
لكني فعشقي سي السيد
بموت فيكي فالأبيض
وفالأسود مالكيش حل
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة