عجبى عليكى يا دنيا دا الكل راح يسيبك
انتى باقيتى على مين قوليلى مين حبيبك
دنا من تراب يا دنيا يعنى أنا قريبك
فينا العيب يا دنيا ولا العيب عيبك... وعجبى
الدنيا كلها عِبر ولكل إنسان حكـــــاية
حكاية اليوم ابتدت وحكاية بلغت نهاية
النهارده إنسان دفنوه
وإنسان سحبته الداية ... وعجبى
با إللى ضهرك انحنى وعنيك بتشوف طشاش
وكبرت وجالك زهايمر وولادك ما بتعرفهاش
وجريت جرى الوحوش فى دنيا ما ديماش
نسيت تفكر فى يوم هتخرج ملفوف فى قماش .... وعجبى
يا إللى أنت عمال تبعتر فى الهايفة بالألاف
ما فكرتش تكفل يتيم مش لاقى عيش حاف
وكان قلبك حجر ومن الأخرة ما خاف
هتاخد إيه معاك وأنت متشال ع الكتاف ... وعجبى
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة