مطلوب رئيس على حلمـنا " يحمى المنام
مطلوب رئيس على قــدنا " يمسك زمــام
مطلوب رئيس يعنى الطلب " مطلوب همام
وقت الصـلاة فى صفــنا " يبقى الإمــام
مطلوب رئيس يمسك زمام الحكم فى بـلاد الأنين
مطلوب رئيس زى الأمـل قول وعمل لخمـس سنين
الشعب ذاق مــُر الزمــن دفع الثمن مطلـوب حنين
مطلوب على قـد الطلب يعنى الطلب مطـلوب أمين
يرجع الحلم اللى غاب عن حلمنا من ميت سنة
يرجع الفـــرحة وطــرحة نـزف بيـها حلمـنا
يشفى الألم ينهى الخصام يفهم لغتنا فى صمتنا
مطلوب رئيس زى العريس من فــرحه يفــرح قلبنـا
مطلوب بطـل يحمـل همـوم الشعب ويعيــد الأمـان
مطلوب جدع ولا يوم خضع مش مرتجع نفس اللى كان
مطلوب أجل راجل عمل فيه الأمــل يحمــى المكـــان
مطلوب على قد الطلب صــوتـه طرب حـب وإيمــان
فيه من عمر يشبه صلاح وكـأنه ناصــر تانى عــاد
فيه من عمر عـدله أمانته قـوتـه روح التـواضــع لمـا عـاد
فيـه من صـلاح كل الصلاح حـب الوطــن نصــر العبـاد
فيـه من جمــال روح الجمـال. عزة وكــرامة الحق عــاد
يا ربنـا مطـلـوب رئيس من دولة 100 مليــون رئيس
مصــر الحبيبة وجنتـك مطلـوب لهــا أعظــم عريس.
علم مصر
مشاركة
اضف تعليقاً واقرأ تعليقات القراء
مشاركة
