عايز أقولك كلمة ياريت تقبلها منى، اسمعها ولو معجبتكش مش مشكلة ارميها فى اقرب صفيحة زبالة عندك.
لما الدنيا تضيق فى وشك وتتقفل كل الأبواب مش لازم دى تكون النهاية.
ياريت تفتكر أن الليل فى آخره بيبدأ فجر يوم جديد
وبعد الظلام مايروح النور بييجى.
وبعد ما آخر ثمرة فى الشجرة بتوقع بيكون ده تاريخ البداية لإنتاج ثمرة جديدة
: عايز أقولك
متخليش حاجة تكتب نهايتك
لكن خلى كل نهاية تكتب نهاية حاجة أنت مش عايزها
وبداية حاجة أنت عايزها
بمعنى أوضح
أنت مثلا مش عايز تبقى حزين ومضايق
خلى اللحظة إللى أنت مضايق فيها تكون نهاية الضيقة
وتكون بداية السعادة والإحساس الطيب
الحياة مابتوقفش على حاجة وفرصها دايما موجودة مبتنتهيش
لوقدامك فرصة اركب ومتستناش
أصلا من الآخر محدش هيستناك
متخافش وإن عملت متقولش
وإن ناويت ماترجعش
وإن فشلت متندمش
وابدأ من جديد.
ارشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة