نزوة شهواتك مالية الكون
مدارى ولابس وش حنون
ولا تعرف سر الإخلاص إيه
وبتظلم أصحابك وتخون
ماتكلمنيش عن مبدأ يوم
من إمتى الحنضل يطرح دوم
لو ضِفنا الصفر على الأصفار
مش هيعلمنا الصلا والصوم
مرسوم برواز على سور قلبك
مشروخ وبيخدع ناس جنبك
ومخبى الشرخ دهب وحرير
طمعان ع دُنيا ومين قدك
فاتح باب ظـُلمك ومغطيه
ومدارى على الناس ليه بلاويه
وبتعمل فيها ملاك وشجاع
وبتلبس دور العفة دا ليه
وضميرك غرقان ف المجهول
ولا حسيت مرة انك مسئول
عن شخص عزيز بتعذب فيه
و ف أول لحظة تبيع علطول
لو أجَلك طال دا حلاوة روح
ليك يوم معلوم والدنيا تروح
ما دمتشى لغيرك ولا ثانية
طب ليه بتقاوح ليه وتنوح
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة