فيسبوك
واتساب
محتاجة تسمعى منى كلام
علشان أشيل عنِّك أوهام
وياريت تقدَّرى وتقولى
إنى قصدت أوعّيكى
مش قد كدة مفتون بيكى
ولا عينى هايمة ف عينيكى
ولا عقلى دايمًا طول الوقت
سارح وبيفكر فيكى
أوقات بتيجى على بالى
وساعات بشوفك فى خيالى
لكن ده كله مش معناه
إنى بعيش واحلم بيكى
صحيح فى أوقات كلِّمتك
يمكن كمان يوم حنِّيتلك
لكن ولا يوم عشِّمتك
إنى بروحى بدوب فيكى
بكلامى يمكن فاجئتك
بصراحتى يمكن زعّلتك
لكن هتفهمى وتحسّى
إن الحقيقة أحسن ليكى
صورة ارشيفية
