واحد بيناجى ربه
إزاى أقابل ربنا
وأنا كلى ذنوب
إزاى أقابل ربنا
وأنا حتى مش قادر أتوب
إزاى أقابل ربنا
وأنا على أمرى مغلوب
إمبارح مشيت فى جنازة
شاب من سنى
ويمكن كمان أصغر منى
طول السكة بقول
يا رب ارحمه وارحمنى
وقلبى بيتنفض مرعوب
وحاسس إنى إنا اللى القبر بينادينى
وبيقولى تعالى ده كل شىء مكتوب
زمان كنت ببكى لما أعمل ذنب
دلوقتى بعدد الدقايق والثوانى ذنوب
يا رب قوينى يا مقوى القلوب
وابعد عنى الشيطان وخلينى أتوب
وانصرنى على نفسى وطهر قلبى
من المعاصى والذنوب
وأرضى عنى واسترنى
وارحمنى واقبلنى
وخفف عنى وابعد همى
يا رب يا عالم بالقلوب
صورة ارشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
muslimincairo
جزاك الله خير
عدد الردود 0
بواسطة:
حسن
رائع ما كتبت
روووووووووووووووعة
عدد الردود 0
بواسطة:
حنان
جميلة جدا ياريت يتعاد نشرها
بجد انت شاعر جميل