فيسبوك
واتساب
الحلم ليه بتتخنق
جوه العقول
صوتى بيعلا وكمان بقول
محتاج أثور على كل شىء
شايفاه عنيه
محتاج أقول
زمن الربيع العربى ليه
قسم كل الحدود
بلاد غير البلاد
واستبداد مع استعباد
وبقينا فتات
وحلم الحرية مات
ووطن مغلوب على أمره
زى ولاده من غير ميعاد
وثورة وراها ثورة
وكأننا كنا على ميعاد
تتلاشى هويتنا
تضعف وحدتنا
وأحلامنا بقت كلمات
بنى صهيون زرعوا الفتن
جوه عقول ما بتحب الوطن
خلوا ترابنا ف الدم عايم
قسمونا لدول
ضاعت وحده نهر النيل
ما بين شمال وجنوب منفصلين
وليبيا المختار
والفكر احتار وثلاثة أقاليم
برقه, وفزان , وطرابلس
والدم أهو سال وبقينا أعداء
نضرب بالنار
والجولان محتلة بقالها أعوام
وبلاد الشام بقت ركام
وريحة الموت ف كل مكان
ضاعت سوريا رمز الإنسان
أسد العروبة مات من زمان
عراق الخير أصبح أحزان
تفجير فى كل مكان
سنة , وشيعة ودوله كردستان
وتونس الخضرا ونهضة إخوان
وشتات ف كل مكان
وعيون نامت وعيون تبكى
وبوعزيزى رمز الثورة
كأنه ما كان
واليمن الجريح مليان أحزان
وتقسيم لصالح مين ؟
والثورة جريحة محتاجة كلام
ونهر النيل يروى الأبدان
وقلب العروبة النابض
ساكن كأنه مكان
والأمل جوة الشريان
متمدد بقالة زمان
بسأل ضى النهار
ليه عايش فى ظلام
ومصر الحبيبة خانها الإخوان
والليل دوار
امتى تعودى ونعيش ف أمان
خريطة الوطن العربى_أرشيفية
