فيسبوك
واتساب
كل ما يقولو مصر بافتكرك يا ابن الصعيد
أصل أنت والله من قلبى قريب
وفى قلب كل مصرى ما نتش غريب
قاعد هناك جنب القنال خليتنى أحسد حب الرمال
على مارد بيدوس عليه بيكتب كلام حروفه تهد جبال
وتزرع شتلة فى وسط الرمال كلام عمره ما يتقدر بمال
وهبت عمرك كله فيه يا خال
كلامك حروفه كالماس يتوزن بميزان حساس
يدخل قلوب الناس ويغذى مشاعرها
حولت فرع النيل وديته عالقنال
وبنيت سد جميل سد اسمه الخال
لا كنت باكتب كلام ولا حتى بأقول موال
و من نيلك يا ما شربت الله يخليك يا خال
كلامك ريحته مصرية حروفه عالوسطى معدية
ابياته بطعم الوطنية و حروفه كلها حرية
بطلته ست محنية أولادها عالمعدية
قاصدين شط الحرية حالفين لا يرجعوها صبية
شاربين بحور وطنية ترويكى يا أم البشرية
حالفين لا يرجعوكى صبية بالعبقرية المصرية
يا مصر يا نبض الحرية يا قلب الأمة العربية
صورة أرشيفية
