فيسبوك
واتساب
حبيته ليه بقلبى
وعقلى قالى ﻷ
الحب ده مش ذنبى
مقدرش أقوله ﻷ
أنا كنت راضى بوحدتى
أول ما شفته فسكتى
رجعتلى تانى ضحكتى
وقلبى ما بطلش دق
الحب دا مش ذنبى
مقدرش أقوله لأ
يا عقلى أنت منى
صارحنى بوح بسرك
ليه بس يبعد عنى
الحب مش هيضرك
من أيه خايف عليا
بلاش تسرح تفكر
الحب دفا وحنيا
الحب شهد سكر
طمن قلبى وعنيا
فبعاده أنا م أقدر
رد وبانت نوايا
قالى ع اللى جواه
إزاى أعيش معاك
وكلى يبقى معاه
حبيبك دا ملاك
إزاى يكون بشر
يودينى فهلاك
حبه يكون خطر
إزاى أكون فى أمان
دا يجيب للعقل جنان
ازاى عايزنى اعيش
سهران سرحان تعبان
هبعد ليزيد لهيب
والقلب يتحرق
اخاف لويوم يغيب
والروح تتسرق
وباح العقل بسره
خايف يتوه فسحره
خايف يغرق فبحره
فى الحب طلع ورق
حبيته ليه بقلبى
وعقلى قالى لأ
الحب دا مش ذنبى
مقدرش أقوله لأ
مقدرش أقوله لأ
صورة ارشيفية
