فيسبوك
واتساب
سنة ورا سنة..
لحد ما قربت الخمسين
وم الخلايق يا ما شفت أنا
على كل لون متلونين..
بالليل يقولوا كلام موزون..
والصبح يصبحوا ناس تانيين
الاشتراكية دى مطلبنا..
وشرعنا ماركس ولينين..
والسلام هوه غايتنا..
ده خيارنا أيوه يا مصريين..
ديمقراطية طبعا لازم..
ما أحناش أقل من التانيين..
والثورة أحنا بدأناها..
فى الأصل أحنا الثوريين..
إسلامية وماله معاك..
ده الشرع والإيمان والدين..
يا ناس حرام خفوا كفاية..
ده كل شىء لازمة نهاية..
ذاكرتكم أنتم نساية..
ومن التاريخ راح تهربوا فين
صورة أرشيفية
