محمد أحمد دويدار يكتب: بَغير عليكى

بَغير مِالنسيم لو هل صِيفك
بَغير مالغيــــوم لو ده خريفك
بَغير مالمطــر لو جِه شتاكى
بَغير مالــورود لو عاد ربيعــك
بَغير من اي حاجة شايفاكي
أى حاجة عارفاكي لمساكي
أغير مالشمــس لو تــدفيكي
وأغير مِالنــغم لـو يسليـــكي
وأغير مِــالدمــع علي خــــدك
وأغير من ابنــك لو يناديــكــي
بَغير لو حد قال فيوم إسمـــك
واغير من أُختك لو تواسيـكـى
بَغير عليكى حتى من نفسك
من اسمك عشـان مِحَليـــكى
أغير مِالقمر عشان شــايفــك
وأغير مِالأحمر فى شفـــايفـك
بَغير مِــالتــوكه فــوق شعــرك
بَغير من أثر الدبـله فإديـــــكى
بَغير من حَلَقِـك ومن خاتمِـــك
بَغير من شنطـه فــوق كِتفــك
بَغير مــن عُــقــد فِـــرقــبــتــِك
بَغير مالــكُـحـل فـــِعنــيــكـــى
بَـــــــغيــــــــر عـــليــــكـــى