فيسبوك
واتساب
ليه مش عارف أبعد عنك؟
جوة القلب سكنتى ونمتى
دقة بدقة بتجرى فى دمى
ملكة وقاعدة واتمكنتى
غلطة وكانت أيوة ومنى
لمَّا سمحت لقلبى يحبك
ويدوب أيوة صبابة ف حبك
ويدوب مرة ف سحر رموشك
ويتوه جوة العين والننى
تفاح خدك يخطف روحى
ولاَّ الشفة اللي تجننى
ولاَّ قوامك لمّا بتمشى؟
هوه دلالك لمَّا تحنّى
يوم ما تهزى كيانى بلمسة
ولمَّا تجورى وتبعدى عنى
ولاَّ دلال الكون ف عنيكى
لمّأ الهمسة "قرَّب منى"
صعب علىَّ أن أبعد عنك
عايشة ف قلبى واتمكنتى
صورة أرشيفية
