ميار فؤاد تكتب: كابوس الثانوية العامة

جملة "ثانوية عامة" جملة كفيلة لإدخال الرعب على قلبك وقد يتمنى الطلبة والطالبات إلا تمر السنوات عشان ما يدخلش ثانوية عامة ونفس الكلام لآولياء الأمور لأنها كارثة مادية لهم.

•أولا : يعنى أية ثانوية عامة ؟
هى مرحلة إتمامك لدراستك فى التعليم قبل الجامعى

•ثانيا : لية لازم أخد دروس ؟
عشان تعرف طرق الأسئلة وشكلها فى الامتحانات وكمان عشان تجيب مجموع يدخللك الكلية إللى نفسك تدخلها.

ثالثا : وطبعا الثانوية العامة مثل اى سنة دراسة من ناحية التلقين والحفظ أى أنك تحفظ أكبر قدر من المنهج والمعلومات فى أى مادة وفى النهاية بتكتب كل اللى أنت حفظته فى ورقة الإجابة والنتيجة انك مش بتستفاد بيه فى الحياة وبيتنسى.

وكل ده بسبب وزارة التربية والتعليم ومناهجها العقيمة فى كل المراحل الدراسة التى تعتمد على الحفظ والتلقين فهذة المناهج تحتوى على الكثير من الحشوومعلومات لا يستفيد بها الطالب ومش مفيدة له ومملة حتى عندما يتم تحديث المناهج يظل الحشو موجودا للأسف.

رابعا: وكما قلت فى البداية أن الثانوية العامة كارثة لأولياء الأمور هى ليست كارثة مادية فقط، بل إنها أزمة اقتصادية لهم والوزارة لا تراعى كم من المال يصرفه رب المنزل على أولاده، إللى فى الثانوية العامة، وأتمنى أن الوزارة تلقى نظرة على المناهج التعليمية لكل المراحل وخاصة المرحلة الثانية من الثانوية العامة فى الأعوام القادمة، وتزيل كمية الحشو إللى موجودة فى المناهج.

وأخيرا..

أرجو أن تدعو الله لى أن يوفقنى السنة دى وأدخل الكلية إللى عايزة أدخلها وأخلص من كابوس الثانوية العامة.