مصطفى هاشم الجابرى يكتب : مصر بلدنا هتصبـح جنـة

مصر بلدنا هتصبـح جنـة
عارفـين امتى؟

لما نعود لله بإيمـاننا
لما نلمـلم كـل ألامـنا
لما نحافظ على أحلامـنا
لما نحقق بيـدنا أمـلنا
لما المخلص يبقى إمامنا
مصر الغالية هتصبح جنة

لما نوفى بكل عهود
لما نخـاصـم كل حقود
لما نحاسب كل حـسود
لما نكافئ كل ودود
لما العدل عليها يسود
مصر بلدنا هتصبح جنـة

لما بأيدنا نزرع قوتنا
لما بخيرنا نكفى بيوتنا
لما الشعلة تكون بوقـودنا
لما تحس الناس بوجودنا
لما رئيسها بعدل يقودنا
مصر بلدنا هتصبح جنة

لما نكون بقلوبنا معاه
لما نحاسبه عشان نلقاه
لما نسانده فى كلمـة آه
لما يحسش إنــه إله
لما عمــلنا يكـــــــون لله
مصر بلدنا هتصبح جنـــة

لما نحـــــــاول رسم غــد
لما نقـــــدم سبت وحـــد
لما نخاف على بعض بجـد
لما جذور الــــــنور تتـــمد
لما اليــد تكـون فى اليــد
مصر بلدنا هتصبح جنــــة

لما حيــاتنا تبقى نضـــال
لما طــعامنا يبقى حلال
لما الرشوة تبقى محال
لما نبيعشِ ضميرنا بمال
لما نبطل استغلال
مصر الغالية هتصبح جنـة

لما ولما ولما ولما
لما نرجع أسرة ولما
لما نرجع عهد الما
مصر الغالية هترجع جنة