بالفيديو..سر “الأستيكة” التى ينتظرها المصريون من بابا نويل ..وزوج غاضب: “عايزه يربى مراتى”

شهد عام 2014 العديد من الاحداث السياسية الساخنة والقضايا الهامة وكان من اهم تلك الاحداث الانتخابات الرئاسية ووضع الدستور ولكن بسبب جماعة الاخوان الارهابية خيم الحزن علي جميع البيوت المصرية بسبب التفجيرات التي قاموا بها وقتل جنودنا علي الحدود ومحاولاتهم زعزعة الامن والامان في البلاد مع قرب انتهاء هذا العام الحافل بالمناسبات والاحداث وحلول عام 2015 سألت كاميرا “فيديو 7 قناة اليوم السابع المصورة ” المواطنين عن امنياتهم في العام الجديد وما يطلبوه من بابا نويل لو نزل الي ارض الواقع وسألهم عن امنياتهم وكانت الاجابات مختلفة.

قال احد المواطنين :”عاوز من بابا نويل يربى مراتى أو يرجعهالى صغيرة تانى وأربيها أنا من أول وجديد واتمنى لو معايا استيكا امسح التاريخ اللي شوفتها فيه “.

وقال اخر :”نحاول نتفائل وننسى اللي حصلنا واسوأ حاجة حصلتلنا في سنة 2014 هى الإخوان واللى عملوه ونفسى ميرجعوش تانى ويارب نكون بخير وسلامة”.

وأضاف آخر اتمنى الحال يتعدل ولو معاه هدايا نفسى في عربية احدث موديل او اى حاجة كبيرة بس المهم الحال يتعدل”.

وعلق اخر :”أتمنى اختار حاجة لست الحبايب ولو ادانى استيكة هامسح الاخوان من حياتى إلى الأبد ومش عاوز أشوف حد منهم تانى”.

وتمنى اخر من بابا نويل قطعة جاتوة قائلا:”امنيتى في السنة الجديدية استقرار البلد ولو شوفت البابا نويل ها قولة ادينى حتة جاتوة علشان نفسي فيها”.

وطالب اخر من بابا نويل :”عاوز اغلى هدية في العالم وعلي العموم عاوزين الستر”.

وقال اخر :انا بحلم ببابا نويل وعاوزة يسيبنى في حالى يا عم انا تعبت من كل يوم يجيلى في الحلم”.

وتمنى احد الشباب من بابا نويل :”يا ريت يشيل من حياتى كلمة يا ريت علشان هى السبب في الفشل اللى احنا فيه”.

وقال اخر :”عاوز عربية مرسيدس علشان نفسى اركبها والبلد تكون بخير ويا رب يحققلنا امنياتنا”.

وتمنى اخر:” عاوزين الحرب اللى احنا فيها تخلص ونفسى اعمل حج “

وتمنى اخر ان يري بابا نويل قائلا:”نفسى اشوفه علشان اقوله عاوز موتوسيكل نفسى فيه من زمان”.

وقال اخر :”اقوله سلملى على ام عبدة مراتى حبيبتى “.