خالد صلاح

بالصور.. فى عيد الحب المصرى "السناجل عاملين إضراب على تويتر".. ويؤكدون: إحنا عايشين ملوك وفى نعمة لا يعرفها أصحاب الدباديب الحمراء.. ناشط ساخرا: "مش هلبس أحمر وهوفر رصيد وهسمع أغانى حسن الأسمر"

الأربعاء، 05 نوفمبر 2014 12:32 ص
بالصور.. فى عيد الحب المصرى "السناجل عاملين إضراب على تويتر".. ويؤكدون: إحنا عايشين ملوك وفى نعمة لا يعرفها أصحاب الدباديب الحمراء.. ناشط ساخرا: "مش هلبس أحمر وهوفر رصيد وهسمع أغانى حسن الأسمر" سعيد صالح يسخر من الفلانتين
كتب إسلام جمال
إضافة تعليق
دائما ما يواجه المصريون الاحتفال بـ "عيد الحب" بسخرية شديدة، سواء المتزوجون منهم، أو غير المرتبطين، وتظهر حالة من "النفسنة" بين "الكابلز" و"السناجل"، على حد سواء.

وبمناسبة الاحتفال بيوم الفلانتين المصرى، رصدت مواقع التواصل الاجتماعى هذه الظاهرة، حيث دشن نشطاء على موقع التواصل الاجتماعى "تويتر" هاشتاج تحت عنوان "السناجل يعملوا فولو لبعض"، وآخر حمل عنوان "السناجل عاملين إضراب"، وقال أحد النشطاء، وكتب أحد النشطاء، "فلانتين جى وفلانتين ماشى لسه أجمل فلانتين مجاشى".

غرد الناشط أحمد عبد الله قائلًا: " أوعى تخلى الفلانتين ينسيك جول مجدى عبد الغنى فى هولندا"، بينما كتبت إحدى الفتيات السناجل، "انهاردة الفلانتين؟ على خيرة الله، أنا نازلة رايحة الشغل".

وغالبًا ما تحاول المرأة جذب انتباه الرجل إلى اقتراب موعد "عيد الحب"، من خلال ذكر تاريخ هذا اليوم، أو تكرار كلمة "الفلانتين"، إلا أن غالبية الرجال يحاولون التهرب من هذا اليوم، فهو عادة كان يكلفهم تحمل قيمة هدايا لهذه المناسبة الخاصة، مع استدعاء حالة الرومانسية التى قد يكون الرجل افتقدها منذ زمن، ولكن فى النهاية يرضخ معظم الرجال، ويقدمون لزوجاتهم فى اللحظات الأخيرة هدية "عيد الحب"، ويتلخص هذا الأمر فيما كتبه محمد إبراهيم على "فيس بوك": "دايما فى أى مناسبة، "الوردة" بتخطف الاهتمام من "الهدية"، فكرت استعبط وأقضيها ورد .. بس قلت الطيب أحسن".

وينتظر المحبون والعشاق عيد الحب أو "الفلانيتن داى" للتعبير عن مشاعرهم وتبادل الهدايا، والعبارات الرومانسية، ولكن "السناجل" دائما ما يرون تلك المناسبة من منظور مختلف، ويعتبر عيد الحب، اليوم الذى يمر بطيئًا على غير المرتبطين، فيشعرون بالضيق والوحدة ويتمنون لو أنهم يتلقون هدية أو وردة أو كلمة رقيقة من أحدهم. هذا هو حال "السناجل" قديمًا، أما الآن فقد أصبحوا يتعاملون مع هذا اليوم بروح يغلب عليها الفكاهة والكوميدية، فتداول عدد من رواد موقع التواصل الاجتماعى الشهير "فيس بوك" العديد من الصور الساخرة من الحدث، والتى تكشف بعضها معاناة الشعب المصرى وعدم اهتمامه بتلك المناسبات لتخلق أجواءً من المرح بدلًا من تلك الأجواء الحزينة التى كانت تسيطر قديمًا .

كوميكس عيد الحب يتضامن مع السناجل.. ومن مميزات "إنك تبقى سنجل"، كما أوضح "الحبيبة"، توفير للفلوس بكل أنواعها (عزايم – هدايا – رصيد تليفون)، ومش هتضطر تلبس أحمر وهو أساسا مش لايق عليك، وتبقى قاعد مأنتخ فى البيت وياعينى المأنتمين برة فى الشمس والحر والتراب أو السقعة والشتا ودور البرد، وبدل الهدية والكلام الفاضى هاتجيب لنفسك جزمه بدل اللى اتخرمت وصباعك خرج منها دى، وهاتحس بنشوة الاختلاف إن أنت بتعمل حاجة غير اللى بيعملها عامة الشعب من لبس أحمر وهدايا وخلافه.

وأضاف مستخدمو الهاشتاج: "كمان هاتختلف مع الناس فى نوع اللأغانى اللى بتسمعها، يعنى مثلا كل الناس تلاقيها بتسمع أغانى حب ورومانسية وكدة، وأنت تضرب شريط حسن الأسمر أبو اتنين جنيه ونص، وتفضل تسمع فيه طول النهار ولو زهقت شغل مصطفى كامل، وفى اليوم دة هاتتقرب لربنا أكتر، لأنك هاتفضل تصلى طول النهار وتدعى من قلبك أن أى واحده تعبرك بدل مانت عمال تحقد وتحسد عالناس لحد مابقيت شبه اللمونة، وكمان لما تبقى "سينجل" ربنا هايكفيك شر الخناقات فى الشوارع لو حد عاكس المزة اللى معاك وخلافه، وطبعا كلنا عارفين إن أنت مع أول قلم هاتسيبهالهم وتجرى.

وتابعوا: "لو اتجننت وحبيت تخرج فى اليوم ده هاتنزل مع أصحابك السناجل برضو وتفضلوا تلفوا بالعربية طول النهار، بدل ماتترمى تقعد فى كازينو أو كافيه أنت والمزة وتبقى فرجة لكل البنى آدمين، وأخيرا كون إنك سينجل هايعفيك بقى من إنك تسمع الكلام اللى ولا يودى ولا يجيب اللى دايما بيتقال فى اليوم دة -إمتى بقى يا حبيبى هاتيجى تقابل بابا -نفسى يا حبيبى الفالنتين الجاى نكون سوا فى بيتنا -أنا ماما إمبارح قالتلى هاتفضلى كدة لحد إمتى – أنا بنت أخو عم خال مرات أخو جارنا اتخطبت إمبارح مش ناوى بقى تخطبنى زيها".

وكتبت هالة محمد، "السناجل فى نعمة النهاردة لا يعرفها أصحاب الدباديب الحمراء"، وأضاف عمر مهدى، "على الأقل محوط على مشاعرك ..موفر لرصيدك.. محوش فلوس الهدايا ..ده انت كده ملك زمانك".


سخرية من الفلانتين على طريقة فزاع
سخرية من الفلانتين على طريقة فزاع

سخرية من الفلانتين على طريقة باسم يوسف
سخرية من الفلانتين على طريقة باسم يوسف

	حمار الفلانتين
حمار الفلانتين

سخرية على طريقة أحمد مكى
سخرية على طريقة أحمد مكى

سخرية على طريقة أسيادنا راضيين عليك
سخرية على طريقة أسيادنا راضيين عليك

هند صبرى تسخر من الفلانتين
هند صبرى تسخر من الفلانتين

كوميكس لسمير غانم يوصف حالة السينجل
كوميكس لسمير غانم يوصف حالة السينجل

سعيد صالح يسخر من الفلانتين
سعيد صالح يسخر من الفلانتين

سخرية على طريقة فيلم الناظر
سخرية على طريقة فيلم الناظر

محمود حميدة الفلانتين حرام
محمود حميدة الفلانتين حرام

	سخرية على طريقة فيلم كدة رضا
سخرية على طريقة فيلم كدة رضا


موضوعات متعلقة


أسباب مقنعة تخليك متحتفلش بعيد الحب وابقى ادعيلنا.. ممكن يطلع حرام فـ"خليك فى السليم".. عيد التحرش عند المصريين.. اللبس "أحمر فى أحمر".. "إذا غاب الدبدوب غاب الحب"

إضافة تعليق




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة