صابر فتحى جلال يكتب: حلمك يا مصر

كان حلم بلدى فى يوم تشوفنى
أقدر أقول عاللى تاعبنى
وأنا أعمل إيه واللى تاعبنى
خوفى عليها دايما غالبنى
حلمك يا مصر تشوفينى
أقدر أغير سنينى
بعد ما كانت مكسورة عينى
بذنب أنا معملتهوش
أقدر أحدد مصيرى
ومسيبشى حلمى لغيرى
هتعب وهوصل مسيرى
ومسيبشى حقى مضيعوش
سحابة وهتعدى
وهترجع لبلدى
كل حاجة حلوة كانت
نفسها أكون عليها
هبدأ خلاص بنفسى
وهيبقى كل وصفى
حاجة بسيطة عالمكانة
اللى هتبقى يا مصر فيها
ومادمت أنا بجد حاببها
إزاى أنا أرضى بتخريبها
معقولة هسكت وهسيبها
قدام عدوها وحدها
عمرى مهرضى بإهانتها
ولا يوم أضيع كرامتها
مصر حبيبتى ومكانتها
ولا يمكن حد يهزها