فيسبوك
واتساب
هيعدّى أكيد الليل وييجى نهار
نفتح شبابيك أملنا تدخل الأنوار
نحلم ببكرة أحلى يضمنا
نفوت ونتحرر من الأسوار
ونقتل الخوف اللى حاوطنا
ونحس بقى بأن الوطن بيتنا
ما نحسش فيه تانى بغربتنا
آن الأوان بإيدينا يوم نختار
بإيدينا نحّول أرضنا لجنّة
ونعيش فيها وفـ خيرها نتهنّى
ونكيد اللى عايز يدمرنا
ونقوله صعب بلدنا يوم تنهار
كام مرة وقعنا ورجعنا أقوى
ولا يوم ضعفنا بالعكس بنقوى
بنتحدى كل الخوف والظروف
وبنكون إحنا دايما الأقوى
صوره ارشيفيه
