مش كل من مد إيده شحات
وعمر الفلوس ما تعمل بهوات
ناس بتجرى ورا أكل عيشها
وناس بتجرى ورا الشهوات
ناس بتشحت الكلما
وناس بتشحت البسما
وناس بتشحت اللقما
وناس بتشحت حاجات
لو أنت عامل بيه
شوف أصلك كان ايه
وكل اللى أنت فيه
سهل يضيع فى لحظات
ناس بتشحت الحب
عشان يعيش القلب
ملوش علاج ولا طب
ودى أصعب حالات
يللى بفلوسك بتفترى
اشحن صحتك واشترى
ووقف عمرك لو جرى
بفلوسك ورينا القدرات
شحات وجيبه مليان
مهنه وفيها كسبان
وفقير عفيف غلبان
محروم من الصدقات
جمع المال إدمان
شهوه زينة وأمان
شهاده للبيه وضمان
هتبقى معاه لو مات
راسم عاهه ف إشاره
الصحة فيك خسارة
ذل إهانة ومرارة
سليم ولا أى عاهات
لو عندك يا بيه بواقي
غيرك يا بيه مش لاقى
وزع فالخير هتلاقي
الحسنة عشر حسنات
شحات محتاج للبيه
والبيه اصله شحات
شحات مهما تديه
عايش بردوا شحات
صوة أرشيفية
مشاركة
اضف تعليقاً واقرأ تعليقات القراء
مشاركة
