حجاج فراج يكتب: روبابيكيا

عمال ينادى فى الشوارع ....
حاجات قديمة للبيع ...........
شايفه أنا وبودنى سامع ......
قلت أندهـه وأعمل شجيع ....
يا عم يا بتاع الروبابيكيا .....
ممكن دقيقة لوسمحت .......
أفكار كتير موجودة عندى ....
قام بصلى من فوق لتحت .....
وبلهجة كانت ساخرة ..........
صرخ وقال يا عمنا ............
أفكار دى إيه بلا مسخرة ......
سيبنا يا عم فى همنا ..........
يا عم يا بتاع الروبابيكيا ......
أفكارى دى حاجة عظيمة .....
قديمة لكن ليها قيمة ...........
فيها المحبة والجمال ...........
وايه الحرام وايه الحلال .......
والشر عندى شيء محال ......
ضحك وقالى أنا مخزنى ........
مليان بفكر كما الجبال ..........
انزل وعيش بين البشر .........
أحسن تموت بأه فى الخيال .....