مايكونشى مفترى
حنين قلبه علينا
وشديد ع المفترى
مالوش خلفية دينية
وكلام أجوف ورجعية
بأمارة أبو مناخير والعملية
وونيس جوه العربية
لا عندو تربيطات
ولا تصفية حسابات
مالوش أهل وعشيرة
ولا بدّو ناس أثيره
وكل الشعب إخوات
عاوزين رئيس، موش فقى
دى موش فتى للمأذون والفقى
دا مصير بلد والشعب تعبان
زهقان وحيران
شبع كلام ومافيش إنجاز
والكل سقط بامتياز
عاوزين رئيس عسكرى
وموش كل عسكرى فلول
ولا فكرة معلول
ولا كل عسكرى مشير
أو مخه مشلول
فيه عسكر محترمة
شخصية وخبرة وملتزمة
وآدى شفيق يا راجل
خبرة متزن وعاقل
بس علينا بيتاقل
ومقضيها يومين سكات
سيبك من حكم العسكر
آهى نغمة وفى الزور محشورة
بدعتها عصابة المحظورة
لا بتفهم ولا بتفكر
عاوزينو عسكرى
يرجع لمصر هيبيتها
ويقعد قطر فى بيتها
وماحدش يسمع صوتها
وكفياها عليها الدولارات
عاوزينو عسكرى
يعيد الأمن والأمان
ويعيد مجدنا إللى كان
ومستنيك بقالى زمان
ياللى عليك العين بتدور
تيجى تحكم بقا وتنور
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة