فيسبوك
واتساب
السكارى مش هما بس المسطولين
ده فى أشخاص مبيشربوش
ومن الهموم بقوا سكرانين
عمال الدنيا تلف فينا..
تمرجح فينا شمال ويمين
لا عارفين فين طريقنا رايح
ولا عارفين حتى فين جايين!
الهموم بتكسر فينا
بتخلى العمر.. يجرى بينا
نبان كبار فى الشكل جايز
لكن سن لسه بردو صغيرين
الملل سمعنا عنه.. والاكتئاب قربنا منه
والأمل كان فينا عايش
دلوقتى اليأس فيه عايشين
خلاص تعبنا من الأحزان
وهنقول ايه؟! مات الكلام
والحياة بنشوفها عادي
واهى عيشة يالا والسلام
صورة ارشيفية
