محمد عبد الله طاهر يكتب : شهادة ميلاد جيدة لمصر

إنشا الله منصور يا دا الدستور
لجل عيونك خطينا صور
وعالجنا فيك كل الأمور
وسطورك بئيت بوابة العبور
هتعبر بينا عبر العصور
دا لجل سعادتك عدينا بحور
نزلنا عشانك يا دستور
دا طريق فخامتك هو النور
تحية لجنابك يا دستور
بحروفك عيونى شايفة النور
و فى يوم ميلادك شعبك فخور
نزلنا عشانك يا دا الدستور
وقولنا لك نعم بكل سرور
شارك ميلادك أحباب كتير
الخبير والشاعر والضرير
المفتى، القبطى، الثوار
الفلاح ، العمال، الأحرار
وناس كتير من الأخيار
إنشا الله منصور يا دا الدستور
نزلنا عشان مقامك كبير
نبارك سعادتك والمركب تسير
نزلنا صوتنا على شهادة الميلاد
شهادة ميلادك يا أغلى البلاد
دا أرضك يا مصر أرض الميعاد
صاينك وحارسك رب العباد
شهادة ميلادك بإيد الولاد
يمسكو بإيدك يخلو الضلمة نور
ولسة عشانك ناويين نعدى السور
دا مكانك يا مصر فى وسط العالم محفور
ولو حد وقف أدامك بخسة أو بغرور
هيلاقى فى وشه ولادك ده شعبك شعب جسور
هنغير خريطة العالم بخريطة الطريق
اصحى يا بنى آدم دا أنا المصرى الجرئ
يا ما علمنا العالم منين يكون الطريق
ودلوئتى بنعلمه تانى يعنى إيه مصرى فخور