يارب أنت وحدك العالم بالحقيقة
لا بتغفل ولا تنام لحظة ولا دقيقة
عالم مين الظلمة ومين الناس البريئة
اكشف عن مصر الضر وفرج كل ضيقة
قلبى واجعنى يا مصر من كتر حزنى عليكى
ياست كل عصر بقلبى وروحى أفديكى
ما بحلم بفيلا وقصر وأعيش فى عشه فيكى
أبشرى خلاص بالنصر علشان ربنا حاميكى
مش عارف ليه يا مصر فيكى الطوع تمللى
وديما كده أعدائك حسبنهاله بالميللى
بدعيلك من كل قلبى فى سجودى وأنا بصلى
ربنا يهدى حالك ونبنى فيكى ونعلى
نفسى أعرف يا بلدى بيعملوا فيكى كده ليه
أعدائك متربصينلك هو أنتى عمللهم إيه
وإبنك بيخاف عليكى زى ما بتخافى عليه
وإللى هيدخل يخرب رح نقطع رجليه
حبك مزروع فى قلوبنا واللهى مش كلام
علشان علمتينا إزاى نعيش فى سلام
من حبك والله دوبنا يا منارة الإسلام
يارب نور طريقنا واكشف عنا الظلام
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة