محمد زكريا حبيشى يكتب: شعور الحب خاصمنى

شعور الحب خاصمنى
وظالمنى وأنا الشاعر
كلام الحب بنطوله
وبنقوله ولا شاعر
بإن الحب ليه معّنى
ولا مرة بيسّمعنا
ولا فكـّر يجمّعنا
ودايماً كان يطمّعنا
وتوُّهنا ف طريق واعر

وليه يا حُب تتـجنـّى
وأنا مُرّهف بإحساسى
وليه طول عُمرى بتمنـّى َ
تكون جوايا مش قاسى
وتسكن جوه شُريانى
وليل الهمّ ينسانى
وتستنانى من تانى
تعوض ليا حرمانى
تكونلى عِزّوتى وناسى

وبلقىَ الناس تخاف مِنك
ولكن قلبى غيّرهم
يقول أحلى كلام عَنك
ويتعمد يحيّرهم
وشايفك ف العيون غالى
معاك الدنيا تحلالى
وراسمك جنة ف خيالى
ماهيش شىء صعب وخيالى
وغرّبهم وسهرّهم

ودقات قلبى تشهدلك
بإنك رمز للفرحة
ونور جوايا مهـدلك
بضحكة ف الهوىَ سارحة
وانت ف الحياة ياما
معيشنا ف دوامة
وفرح وحيرة وملامة
ولا رستنا بعلامة
ليالى كتير كانت جارحة

تعالى اغمرنى بعيونك
ودفينى بإحساسك
وخبينى أنا ف كونك
وابعد عنى حراسك
ودوقنى الهنا والشوق
وخلى لى الليالى تروق
ولا من سحرك أنت أفوق
ولا ثانية أبص لفوق
وأكون ضِلك وأكون ناسك