حكايتى معاكى
حكاية عشق من نوع خاص
بدوب فى هواكى
وأحس معاكى ميت إحساس
بحس بفرحة الدنيا
لما بتحضنى ولادك
تدفيهم بإحساسك
فى عز البرد
لكن أوقات كتير تانية
بتبقى مملة ومناكفة
وأشوف منك جفا وقسوة
مشفهاش حد
ولما أزعل وأثور واتجن
واشوفلى حضن تانى أحن
مش بلقى
وألاقى نيلك الفياض بيندهنى
يصالحنى.. يسهرنى.. يطمنى
أقوم أهدى
وألاقى رجلى وخدانى على حسينك
أصلى يا مصر وادعيلك
تكونى نبع خير وحنان
أقعد على القهوة وأنسى الهم
وأقول للنفسى عيش واتلم
وبطل يا بنى شغل جنان
لكن برجع أقول تانى
فى حسنك شعر وأغانى
ما أنا عاشقك
ولو فى يوم جرحتينى
ولو فى مرة هنتينى
أنا مسامحك
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
عبداللطيف أحمد فؤاد
برافوا عليك يا ناجى
ممتازززززززززززززززززززززززززززززز
عدد الردود 0
بواسطة:
الثورجي
والله شاعر مرهف
عدد الردود 0
بواسطة:
الرايق
شكرا
شكرا لليوم السابع وهذا اقل مايقدم لمصر
عدد الردود 0
بواسطة:
الرايق
شكرا
شكرا لليوم السابع وهذا اقل مايقدم لمصر
عدد الردود 0
بواسطة:
ابو فيروز
وأقول للنفسى (( عيش واتلم ))
عدد الردود 0
بواسطة:
ابو فيروز
وأقول للنفسى (( عيش واتلم ))