سيد إمام يكتب: مصر يا أجمل وطن

العيب فى مين يا بلد.. فيكى إنتى ولا فينـــا
معقول نسيتى العدد.. ولا احنا يعنى نسينـــا
دا اللى يموت يتولد.. بدالو ألـ1000ـف مدينا
واللى يفارق نيلك.. مش راح يكونـلو مينــا
واللى يخونك يوم.. فى قلبو ميـ100ـت سكينا
اسمك هيفضل عايش.. فى قلوبنا زى سفينـا
بدمنا هنكتبه.. وهنرددو فى غناوينــــا
لا بحـر هيهمنا.. ولا مــوج يأثر فينــا
إنتى المنارة العالية.. رغم البلاد حولينــا
الحقد مالى قلوبهم.. يتمنوا يشمتو فينـــا
مع إن خيرك جـــالهم.. لعندهم بإدينــا
معلش يا أم الكرم.. يا أرض طيبـا وسينـا
لو يوم لئيم فيك شتم.. حقك يا بلدى علينــا
يا مصر يا أجمل وطن.. يا كل ضى عنينــا
يا وردة وسط الأمم.. ولا غيرها يوم حبينـا
دا النسر جوا العلم.. يشهد لمصر ولينـــا
بالنصر طول الزمن.. على كل من يعادينــا
أقسم برب الفلق.. إنك يا غالية علينـــا
هتعيشى أم الدنيا.. مهما تاهت خطاوينـــا
مش راح نبيعك يوم.. لو وسط نارنا مشينـا
حبك هيفضل فينا.. وفى اللى جايين بعدينــا