بهاء الدين محمد يكتب: فين الأمان؟

يا للى حاسس بالأمان ابعت شوية
ده السلام مش بالكلام ولا بالتحية
السلام يعنى أمان الدنيا دية
مش تفجيرات ولا شيل سلاح ولا بلطجية

كام كنيسة اتفجرت على إيد وحوش
بتقتلونا وترهبونا ومين يحوش
مش حسيبك يوم يا بلدى للهاموش
يفضل يزن ع الخراب ولا يرحموش

كترت مصايب الخيانة فى البلاد
حتشوف تحالف الشيطان ويا الموساد
ده اللى يطلب التدخل من جيوش الاتحاد
يبقى خاين وابن...... وفى قلبه شايل سواد

مش حخاف لا من رصاص ولا من قنابل
إرهابكوا لينا مش حيزرع غير سنابل
تطلع رجال وقت القتال تحمى بلادنا
ويقضوا ع الارهاب لينا وكل قاتل

بحترم جيشك يا بلدى للنهاية
جيشك عظيم ولا يكفى فيه 200 رواية
حيموت شهيد يطلع مكانه جيش بحاله
اصل جيشنا للبلد هو الحماية