نصر الدين محمود سالم يكتب: يا أم الضحكة الأصيلة

السبت، 28 سبتمبر 2013 09:27 ص

صورة أرشيفية

اوعى تكونى شايفة
إن إحنا ولاد زوات
أو حتى تكونى فاكرة
إحساس جوانا مات
حبك موجة صافية
بتجرى بأمنيات
اوعى تكونى عارفة
بنحبك من سكات
يا أمنا الجميلة
مهما تكتر وشوش
ماليش غيرك بديلة
يا أم الضحكه الأصيلة
يا أم الوش البشوش
الضحكة فيكى حلوة
من نيل وأهرامات
مش بالحروف بعبر
ولا بكلام بقولك
جوايا شوق بيكبر
قبل ما يدق قلبك
ولا حتى بقدر أصبر
معرفش إزاى بحبك
بتعدى الساعة ثانية
محسبش الوقت جنبك
ولا بعرف ف الساعات
حبك فينا إحنا
متزوء ف الحارات
بيعدى أى محنة
ويجيب أجمل صفات
وترجع تانى روحنا
يوم ما ننكر ف ذات

أوعى تكونى شايفة
إن إحنا ولاد زوات
أو حتى تكونى فاكرة
إحساس جوانا مات