خالد صلاح

برعاية سوبر كورة

سوبر كورة

محمد صلاح العزب

تات تراراران تن تن

الجمعة، 27 سبتمبر 2013 08:22 م

مشاركة

اضف تعليقاً واقرأ تعليقات القراء
طب نعملك إيه تانى عشان تضحك؟
أصلا الضحك بيقلل الضغوط النفسية وبيعزز جهاز المناعة، وبما أننا مصريون نعيش فى دولة متخلفة طبقا للتصنيف العالمى فإن ضغوطك النفسية مهولة، وجهاز مناعتك بعافية ولا حول ولا قوة إلا بالله، فلماذا لا تضحك.
الضحك من غير سبب ربما يكون مستهجنا، لكننا وبفضل الله هيأنا كل الظروف لحضرتك حتى تضحك ملء شدقيك دون أن يتهمك أحد بعدم وجود المبرر.
مرة حسنى مبارك حكم المصريين 30 سنة على سهوة.. تات تراراران تن تن.
مرة الناس نزلت فى الشارع 18 يوم وخلعت مبارك.. تات تراراران تن تن.
مرة المجلس العسكرى مسك الحكم وحبس مبارك وطلع أسخم منه.. تات تراراران تن تن.
مرة حصل استفتاء فى مارس 2011 والشعب كله قال نعم عشان يخش الجنة.. تات تراراران تن تن.
مرة الإخوان نطوا ع الثورة وع الحكم وجابوا واحد اسمه مرسى وعملوه رئيس.. تات تراراران تن تن.
مرة مرسى كان فاشل وعاجز وكل ما تيجى تعترض عليه يقولك ادوا الراجل فرصة.. تات تراراران تن تن.
مرة الإخوان بعد ما نطوا ع الثورة وع الحكم جه الناس شدوها من تحتهم فوقعوا ع الأرض.. تات تراراران تن تن.
مرة بعد ما شالوا مرسى الإخوان قالوا ده انقلاب ولفوا العالم كله عشان يقنعوهم بكده ورجعوا قفاهم يقمر عيش.. تات تراراران تن تن.
مرة بعد الإخوان ما مشيوا جابوا رئيس مؤقت وحكومة مؤقتة ولسه النور بيقطع والسلع بتغلى وكل حاجة زى ما هى، وكل ما تسأل بيقولولك اصبر دى فترة مؤقتة.
مرة واحد قرا الحاجات دى كلها ومضحكش، وده بالذات بقوله: مش لازم تضحك، لسه جايلك حاجات قدها 100 مرة وهتضحك يعنى تضحك، هتروح مننا فين.. تات تراراران تن تن.

مشاركة

اضف تعليقاً واقرأ تعليقات القراء

التعليقات 7

عدد الردود 0

بواسطة:

مجد نور الدين

بصراحة

مقالة جامدة ...... تات تراراران تن تن

عدد الردود 0

بواسطة:

ahmad

تات تراراران تن تن.

عدد الردود 0

بواسطة:

زهرالورد

ابدعت

تات ترارارن تن تن

عدد الردود 0

بواسطة:

الشعب الاصيل

احسن حاجه فى الدنيا الضحك ويا سلام لو الدنيا ضحكتلك بحد ادنى يزغزغك ليل ونهار

بدون

عدد الردود 0

بواسطة:

الشعب الاصيل

من مميزات جكومتنا انها تعترف بالضحك وتعتبره دليل على الحياه الكريمه وبحبوحة العيش والعداله

اضحكوا بعيدا عن الحكومه

عدد الردود 0

بواسطة:

الشعب الاصيل

لقمه للاخوان ونخلص من الثوره ثم رغيف للفلول ونخلص من الاخوان وبكده ترجع الحياه بمبى

تات تراراران تن تن

عدد الردود 0

بواسطة:

الشعب الاصيل

كتير من المسئولين لا يضحكون ولا يبتسمون - الظاهر الحد الاقصى مش عاجبهم

بدون

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة