د.هانى أبو الفتوح يكتب.. اسمه نبيل

شُفتُه بْعِنيَا من بعيد
واقف أسد ما عْرِفش خوف
وقت أما جاله الغدر
فى رصاص العبيد
كان وَحْدُه مِتقَدم صُفوف
......................................
حتى الرصاص ما هزهوش
ولا ساب بإيده مَدْفعُه
طبع الأسود طبع الوحوش
ساعة ما يسقط كان بطل
عاش بطل. . مات بطل
هتخلِدُه الدنيا حُروف
.....................................
اسمه نبيل طبعه نبيل
ولا زيه فى الدنيا مثيل
عايش بإذن ربى حَيْ
أما اللى قتله خسيس
يومه بوعد المولى جَيْ
ويدوق من عذابه صنوف
.....................................
أما الأصيل
يكفيه بأنه شهيد
بتزفُه للجنة ملايكه
مِتْشَال عالكفوف
من أعماق القلب كل التحايا لا تكفى لروح الشهيد البطل اللواء نبيل فراج وكل الشهداء الأبطال من خضبوا أرض مصر الغالية بدمائهم الطاهرة.